Энэтхэгийн гэгээрсэн их мастер Ошо гэхээр дэлхий даяар андахгүй. Багван Шри Ражниш нэрээр нэгэнтээ 600 гаруй ном 30 гаруй хэл дээр хэвлэгджээ. Энэ бол 25 жилийн турш Ошо шавь нартайгаа ярилцсан бичлэг юм. Түүний шавь нар, саньясин нар анх багшаа Ошо гэж өргөмжлөхдөө “О” хэмжээлшгүй талархал, “ШО” хандлага эрмэлзлээ өргөжүүлэх бас Ошо-Далай гэсэн утга хэмээн тайлбарладаг. Ошо 1953 оны 3-21-нд 21 насандаа гэгээрчээ. Яг л тэсрэлт болж, тэр шөнөн өөд болсноо, өмнөх амьдралаа тас мартсан өөр нэгэн бодгал дахин төрсөн гэдэг.

 -Би өмнөх амьдралаасаа бүр мөсөн чөлөөлөгдөж, үүх түүхээ умартсан гэснээр Ражниш Чандра Мохан өөд болж Ошогийн намтар үүгээр таслагддаг. Төгссөн шигээ дахин сэргэж, гаднаас харахад Жабалпурын дээд сургуулийн философийн ангийн оюутан байвч дотоод ертөнц нь гэгээрсэн, цоо шинэчлэгдэж, амиа бодогч ертөнцийн хүмүүний занг огоот гээсэн нэгэн байв. 1957 оны САУ гарын их сургуулийг алтан медальтай, философийн ухааны магистар зэрэгтэй төгсөв. Хоёр жилийн дараа их сургуульдаа багшилж оюутнууд түүний хошигнол, үнэнийг эрэлхийлсэн шулуун зан чин сэтгэлд нь татагддаг байлаа. Есөн жил сурч, багшлахдаа Энэтхэгийг хэрэн хэсч, ихэнхдээ хагас сараар алга болно. Цуцашгүй уран мэтгэгч тэрбээр гэгээрсэн оюуны галаараа зуун мянган сонгогчдын дунд ч шашны үхширмэл номлолыг сөрөн үнэнийг нээх итгэл үнэмшлээ ухуулсаар иржээ.

  Бомбейд 1968 онд шилжин суурьшихад оюуны үнэний мөрийг хөөгч, Өрнөдийн анхны дагалдагч нар цувах болов. Тэдний ихэнх эмч нар, энэрэнгүй үзэл, хүмүүнлэгийн нийгэмлэгийн идэвхтнүүд оюуны эрэлд гарч шинэ дээд түвшинд хүрэхийг эрмэлзэгчид байлаа. Ошогийн үздгээр тэрхүү дараачийн шинэ шат нь бясалгал юм.Ошо багадаа гүүрийн өндрөөс тээр дор ногоорох голын усанд үсрэн орж, хавцлын дундуур хадан хана хаяалах нарийн жимээр айдсыг сөрөн гарахдаа ухаан санаа нь зогсон тасалдаж зүйрлэшгүй гялс хийх эгшинг мэдэрч байсан нь хожмын их гэгээрэлд хөтөлжээ. Тэр үед л эргэн тойрноо ер бусын тодорхой санаж, ухаан холдож буйг бүхүй л мэдрэхүйгээрээ сэхээрч байлаа. Энэхүү догдлол хэдэнтээ болоод өнгөрсөн мөчүүд Ошог бясалгал, тэр дундаа хамгийн хялбар аргаар хүрэх эрэл хайгуулд дуудсан юм. Эртнээс эхлэлтэй бүхүй л бяслагалын арга техникийг туршин, цаашлах тусам орчин үеийн хүнд тохирохуйц тийм шинэ, хувьсгал гэмээр онцгой техникийг өөрөө боловсруулсан байна. Түүнийг нь динамик эрч хүчит бясалгал гэж нэрлэжээ. Энэхүү бясалгал, хөгжим, хөдөлгөөнд суурилсан байна.

   Энэтхэг-Миний хайр

Дорно дахин зүрх сэтгэлээ чагнаж ирсээн. Тэгээд ч шинжлэх ухааны асмар их өв хуримтлуулсан юм. Харин Өрнийхөн ухаанаа барьдаг. Дорно дахин номхон, дуулгавартай явахыг сургадаг. Хүлцэнгүй тэд шинжлэх ухаанд шамдсангүй. Амьд амьтныг егүүтгэхээс зайлсхийдэг Дорно шинжлэх ухааны гадна үлдэв.Өрнөд хичнээн мэрийгээд ч бясалгалыг таньж, хэрэгжүүлж дийлсэнгүй. Залбирч, үгээ давтсаар байна. Ухаан орохгүй бол залбирал чимээгүй болно. Үггүйгээр та залбирахгүй. Сэтгэл байвал залбирна.

   Өрнөдөд оюуны шинжлэх ухааныг, бясалгалыг үндэслэж чадсангүй. Тэд бясалгалыг төвлөрөл эсхүл гүн бодолд урвуулж байна. Аль нь ч бясалгал биш агаад тэд утгыг гээгдүүлжээ.

   Ухаан төвлөрөхөд сэтгэхүйн бүх үйл явц сэтгэлгээнд хувирна. Энэ бол зүрх сэтгэл биш.

   Бясалгал бол төвлөрөл, гүн бодол аль нь ч бус. Ухааны үйл явц бус. Ухаан оролцохгүй. Ухааныг оролцуулахгүйгээр ертөнцтэй шүргэлцэхийг бясалгал гэнэ. Яг тэр л эгшинд та болон амьдрал, та болон бурханлагийн хооронд саад хаалт үгүй болно. Иймээс зүрх саадыг хадгалдаггүй үнэлж мэддэггүй юм. Юмс үзэгдлийг үнэлснээрээ ухаан саад, хаалт хил хязгаар тусгаарласан дээс гортиг үүсгэдэг. Хайр сэтгэл хүрч ирэхэд бүхүй л хаалт төгсгөл үзэхгүй, эхлэлийг ч олж харахгүй хаашаа ч харсан та бүхүй л оршихуйтай нэгдмэл гэдгээ мэдэрнэ.

  Мастер багш шавийн харилцаа зүрх сэтгэлээ ойлгосноор үүсдэг.

  Дорно дахин нууцлаг, тоймгүй олон түлхүүртэй. Ганцхан түлхүүр эзэмшвэл мянган шилтгээний хаалгыг онгойлгоно. Мастер багш шавийн харилцаа ийм түлхүүрийн увдистай билээ.

                   Ухамсарын алтан оргил

 Энэтхэг орон зуун зуунаар дотоод ертөнцөд аялах билэг тэмдэг болж байв. Та бидний мэдэх Энэтхэгт дэлхийн булан бүрээс хүмүүс мянга мянгаараа ердөө л өөрийгөө нээх, таних гэж ирдэг. Тэнд агаар ус нь, тэнд л байгаа бүхэн нь, нүдэнд үл үзэгдэх увдислаг чанараараа хүмүүнийг өөрчилж, ертөнцийг шоо шинээр харахад  хүргэдэг юм.

   Хорвоод мундахгүй их аяласны эцэст би энэ чанараа олж харсан. Дорнын цэцэн ухаан мянга мянган жилээр оюуны ертөнцөд аялахдаа үргэлжид л сэтгэлийг шимтэн эрэлхийлж байсны үр дүн агаар усандаа чшингэснийх буй за. Дорнодод та бясалгаваас ой мод, газар шороо, агаар нь танд тусалж байгаа мэт санагдана. Тэгвэл америкад та орь ганцаар бясалгаваас танд ямар ч тусламж хөндлөнгөөс ирэхгүй.

   Дорнын анхилам үнэр

Энэтхэг бол эмэгтэй хүний төрхт орон. Үргэлжид л ийм байсан. Энэтхэгийн бүхүй л сэтгэл зүй эмэгтэй хүнийх. Герман, Америк оронтой зүйрлэвэл эсрэг байр эзэлнэ. Тэд бол эрэгтэй чанарт орон. Энэтхэгийн сэтгэл нь эмэгтэй. Тиймээс хэзээ ч энэтхэг түрэмгийлэл хүчирхийллийн замд хөлөөтавьж байсангүй. Дэлхийн аль орон энэтхэг шиг хүлцэнгүй явж ирсэнгүй.Энэ л энэтхэгийн зовлон зүдгүүрийн шаналал болж ирсэн гэлтэй. Дэлхий тэр чигээрээ л эрэгтэй хүний эрэмгий, хатуу түрэмгий араншинтай. Энэтхэгийн сүүлийн 3000 жилийн түүхийг сөхөхөд зовлон зүдгүүр барцад нүүрлэсэн нь олон. Гэвч энэхүү хувь заяа нь ашдын билэг болж, өнөөг хүртэл түрэмгийлсээр ирсэн эр чанарт улс орон өөрсдийгөө задрал бутралд хүргэх тавилангаа угаж байна. Түүхийн хүрдийг өөр зүг эргүүлж, эр хүний түрэмгий чанар давамгайлсан иргэншлийн хөгжлийг зогсоох ганцхан зөв зам дэлхийн хувь заяанд шинэ ирэн үеийг авчирна. Ингэж иргэншлийн түүхэнд эмэгтэй чанар давамгайлсан үе эхлэх магадлалтай юм.

   Энэтхэг байгаль дэлхийг ноёрхох бусдын газар нутагт өнгөлзөхийг санаархаж байсангүй. Аливаад шурган эзэмших хорт санаа Энэтхэг хүний ухаан санаанд гүн нэвтэрдэггүй. Энэтхэгийн хөрс тийм санаа бодлыг дэмждэггүй юм.

           Аниргүйн дуун, чулуунд сийлсэ судар

Таж Махалыг бүтээсэн хүмүүс Суфийн нууц номлолыг эзэмшсэн бясалгагчид юм. Тэд Таж Махалыг бүтээхдээ тэргэл сартай шөнийн 21 цагт хорвоогийн хамгийн гоёмсог уран барилгын гайхамшгийг сарны сүүн цагаан гэрэл дунд тодрон байгааг толидож гүн аниргүйд автан нууцлагт умбан туурвижээ. Таж Махал та хоёр тайлагдашгүй шинжмээр уягджээ. Гүржиев Таж Махалыг обьектив урлаг гэдэг. Энэ нь урлаачид харсан, үзсэн хэн хүн оюуны түвшингээр өсч, бадрахыг тооцож сэтгэл зүрхээ зүрхээ өгч бүтээсэн гэсэн үг. Таж Махал нь туурвигч бодгалийн хуримтлуулсан асар их туршлага, өв сан агаад хойч үедээ очтон цахилах гайхамшигт эгшинг бэлэглэх аугаа санааны илэрхийлэл мөн.

      Энэтхэгт оюун санаа, бодит ертөнцийн аугааг бишрүүлэх бүтээл дэндүү их. Яагаад тэр бүгд зөвхөн анхдагчийн хэлбэрээр Энэтхэгт байна вэ? Ертөнцийн бас нэгэн оньсого, тайлагдашгүй нууц. Энэтхэг орон 10 мянган жилийнтурш бясалгаж ирсэн түүхтэй. Ажанта, Элорын агуйнууд уул дамнан сүвлэж үргэлжлэхдээ гуч гучин тав хүртэл тоологдож тус бүр давтагдашгүй өвөрмөц үзэсгэлэнтэй төдийгүй өөр өөрийн содон үнэр, төрхтэй. Ажантын агуйнууд бясалгалын буддын танхимууд буй. Тэнд байрлуулсан цуурайт чулууг харанга дэлдэх лүгээ цохиход цууриан давтамж маш нарийн, маш цэвэр. Тийм гоёмсог хөгийг ердийн чулуу эс гаргах билээ.

  “АУМ” дуулахад сүмийн оройн гонхонд хүрч эргэж ирэхдээ аялгууны гайхамшигт цэвэр тойрог үүсгэдэг. Дуу авиа түгээх сүмийн оройн математик, физик тооцоо маш нарийн бүтэцтэй байжээ. Дуу авианы эргэж түгэх тойрогт цуурайн баясгаланг үгээр илэрхийлэхийн аргагүй. “АУМ” –ыг задгай газар хөгжөөх юм бол хаа ч ийм гайхамшигт аялгуут цуурай үүсэхгүй.

   Тэргэл сарнаар сарны байрлал тэнгэрийг голлоход Таж Махал хүмүүний урласан аугаа гайхамшигт бясалгах ертөнц болон ургана. Та юу ч бодолгүй, ямар их хувь төөрөгтэйгээ мэдэрч суух агаад харах цараагаар бодол санаа тань замхран алдарна. Үзэсгэлэн гоогийн өмнө сөхөрч, тийм дээд өндөрт хүршгүйгээр сөгдөнө.

   Энэтхэгт мянга мянган хөшөө, дурсгал,хэдэн саяар тооцогдох сүмийн доторх тоолшгүй олон эрэгтэй, эмэгтэй хүний болон бусад баримал, чулуун цогц тааралдах агаад бүгд л бясалгалд зориулагдсан байдаг. Буддын  дүр түүний бие махбод хэм хэмжээ, байрласан төрх, дотоод сэтгэлийн амгалан, хагас аньсан аньсага энэ бүхүйг харах тусам тайвшран, аниргүйд живнэ. Дорнодод хөшөө дурсгал босгохдоо өөрсдийгөө зорьдоггүй. Тэдгээр дурсгал хожим хойт үеийнхэнд хүрч очих оюуны түлхүүр болдог юм. Ном судар үрэгдэж, хэл өөрчлөгдөж, үгийн утга алдагддаг. Сургаалыг буруу зөрүү тайлбарлаж , өөр ойлголт зонхилох ч байна. Онол номлолыг шүүж, дүгнэж замхруулна.

Харин нандин өвөө дамжуулах хэл үгнээс илүү найдвартай арга ухаан сийлсэн нь чулуунд мөнхөлсөн нууц юм. Мянга мянган сүм, дуганг сүндэрлүүлэхэд зураач, барималч, барилгачин, уран барилгачин, цутгуурч, чулуучин, ваар урлаач, уран дархан өч төчнөөн мэргэжлийн сая сая хүмүүн оролцож цаг хугацаа хэдэн зууныг элээсэн билээ.

   Ажантад буддынханы байгуулж цогцлуулсан хэлхээст агуйнууд уул цоолон дамнасаар олон км үргэжилсэн. Агуйн доторх урлагийн бүтээлийг үгэр илэрхийллэхийн аргагүй эрхэмсэг.Буддын  бүхүй л амьдралыг чулуунд шингээжээ. Эхний агуйд бурхан багш мэндэлсэн байна. Агуйнаас агуйд орох зуур буддагийн амьдрал, үе шат нээгдсээр сүүлчийн агуйд бурхан багш мөнхөд нойрссоноор бүтээжээ.

  Амьдралын сүүлчийн мөчдөө будда шавь нартаа хандаж, -Асуулт асуугаарай, удахгүй би мөнхйин нойрондоо одлоо гэсэн гэдэг.

   Бурхан багшид дэр байсангүй, гараа дэрлэн унтана. Энэ сэрэг дүр асар том, гайхалтай сайхан бүтээгдсэн.

                                                                                                           /үргэлжлэл бий/

                                                              ...Ариусахуй бясалгахуй сониноос

Та бүхэнд өдрийн мэнд. ажил мэргэжилдээ амжилт гарган урагшаа тэмүүлж байгаа залуус та бүхэндээ өөрийн санал бодлоо хуваалцаж байгаадаа таатай байна. та бүхний мэдлэгт багахан хувь нэмэр оруулах үүднээс доорхи мэдээллийг хүргэж байна.

1.      Гурил гэж юу вэ?

2.      Гурилан бүтээгдэхүүний хэрэглээ

3.      Ирээдүйн хандлага

4.      Санал бодол. Нэмэлт мэдээлэл

Гурил гэж юу вэ?

 Байгалаас бүтээсэн бүтэн хүнсийг цэвэршүүлэн элдэв дамжлаганд оруулан цагаан өнгөтэй ,гашуун амттай биш, ус даадаг нарийн цагаан гурилыг бий болгосон.19-р зууны сүүл үеэс үр тариаг үйлдвэрийн дамжлагаар тээрэмдэн гаргаж эхэлсэн байна. Магадгүй хүн төрөлхтөн өөрийнхөө эрүүл мэндийг муутгах нэгэн бүрдэлийг бий болгосон гэж үзэж болно.  Цэвэршүүлж тунгаасан нүүрс ус-сахароз, 80 орчим хувь нь цардуул хэмээн үзэж болох цагаан гурилыг өдөр бүр байнга хэрэглэснээр бид өөрсдийнхөө амьдралд ямар үр дүнг гаргаж ирсэнээ харж болно.

Бид төмсний тухай их сонссон. Төмсний хальс нь илүүтэйгээр хүний биед сайн гэж. Үүнтэй адил  буудайн бүтээгдэхүүнийг яг тэгэж үзэж болно. Үр тарианы хальс болон үр хөврөлд байгалийн асар их хүч байдаг бөгөөд бидний хивэг хэмээн малын хоол хэмээн ярьж заншсан тэжээл маань харинч бидэнд эрүүл байхад тустай аж. Хивэггүй болсон гурилын найрлаганд байсан 28 амин эрдэсээс 9 нь үлддэг аж.Энэ нь хавдрын эсрэг антиоксант болон селен, цус төлжүүлэгч ванади, титан зэрэг ордог юм байна.Маш ихээр өөрийн эрдэс бодисоор ядуурсан гурил л бидний хэрэгцээнд очдог юм.

 Ямар сайндаа л дэлгүүрт явж байхад Соёолж зохимжит хоолны газраас худалдаанд байнгын гаргадаг бүдүүн ширхэгтэй 2-р гурилаар хийсэн буузыг хараад нэгэн ээж хүү хоёр дуу алдан байхав. Бохир гурил байна гэж. Тэр худалдан авагчийн буруу юу байхав. Гагцхүү мэдээлэл арай хүрээгүйд л байгаа юм. Гэвч өнөө үед ийм хандлага багасаж хүмүүс эрүүл мэнддээ илүү анхаарсан хүмүүс олон болж байгаа нь сайшаалтай. Энэ бол маш их эерэг хандлага бидэнд авчирч байна.

Гурилан бүтээгдэхүүний хэрэглээ

 Харин асуудлыг шийдэх ёстой нэг асуудал бол өнөөгийн энэ хэт их хэрэглээ болсон гурилан бүтээгдэхүүн юм. Мэдээж энэ бүтээгдэхүүний эрэлт л байгаа болохоор маш ихээр үйлдвэрлэж байна. Гагхүү  одоо л та бид өөрийн эрүүл мэнд , гоо сайхандаа анхаарах цаг иржээ. Цагаан гурилаар хийсэн талх, кекс , хэрчсэн гурил гэх мэт хүний биед хэрэгцээгүй шахам болсон эдийг  өөрийнхөө цаг наргүй ажиллан байгаа бие, эрхтэндээ өгч байна.Үүний улмаас л  гэдэсний салст бүрхэвчийн шингэнийг татаж, бие махбодийг хуурайшуулан,үрэвсэж,өтгөн хатахад хүргэж, нойр булчирхайн үйл ажиллагааг хямраадаг юм. Мэдээж хэт их таргалалт ч үүнтэй холбоотой.  Гэдэсний маань гүрвэлзэх хөдөлгөөнд ямар их хэрэгтэй  хивэг болон түүнд агуулагдах амин дэмээ гурилан бүтээгдэхүүнээсээ авч чадахгүй болж байна.

Ирээдүйн хандлага

 Хүмүүс дэлхий орчноо хайрлах ёстойгоо ойлгон байгалаас илүү агуу бүтээгч үгүй болохыг баталж байна. Үүнтэй нэгэн адил хүн өөрийн биендээ илүү органик байгалийн бүтээгдэхүүн хэрэглэх ёстойгоо ч ойлгож эхэлж ээ. Соёолж зохимжит хоолны газраар байнга үйлчлүүлдэг хүмүүсийн тоо өдрөөс өдөрт өсөж байна.  Үүнтэй адилаар өөрийнхөө эрүүл мэндэд анхаарч үздэг хүмүүсийн үр дүнг бас эргэн хянасан судалгаанаас харахад. 2007 онд 300 хүнээс авсан судалгаанаас үзэхэд тэдний 68% нь эрүүл зохимжит хооллолтод шилжсэн гэсэн хариултыг өгсөн байна. Тэгэхлээр энэ бол бодит үзүүлэлт хэнд ч ийм боломж бүрэн нээгдэж байгаа юм.

Санал бодол. Нэмэлт мэдээлэл

1.      та өөрийнхөө эрдэнэт биенд үр шимтэй чанартай бүтээгдэхүүн өгч чадаж байна уу?

2.      Таний хэрэгцээнд хоол хүнсэндээ та Хөх тариа, бүдүүн ширхэгтэй дээд гурил, арвай, эрдэнэ шиш, Сагадын гурилаар хийсэн хэрчсэн гурилыг өдөр тутмын хэрэглээндээ хэрэглэх боломжтой юу?

3.      Хэрвээ тийм бол та бүхэн юуг нь илүү эрхэмлэх вэ?

4.      Энэ асуудлыг шийдвэрлэхэд өөрсдийн хувь нэмэрээ оруулна уу.

Ашигласан материал

Хоол ба сэтгэл. Бизьяагийн Гэрэлмаа. 2008 он. Улаанбаатар.

1.Инээмсэглэл

2.Дуу дуулах

3.Бясалгал,Крияа,Иога

4.Зорилготой байна.

5.Хорвоо ертөнцтэй зохицох хийгээд дээрээс өөрийгөө ерөнхий харна/уужуу ухаан/

6.Ганцаар явган алхана.

7.Итгэл

8.Сатсан буюу буян үйлдэнэ.

Шри Шри Равишанкар

өнгөрснөө харин гэмшин суух чадал одоо надаа алгадаа

Өнөө үеийн одоо цаг намайг чирэн алхалдана

Өдгөө хүртэл үнэн рүү тэмүүлсэн 21-р зууны охин би байна._

Хэн нэгэн намайг гэсээр ирэх юм.

Хэзээ ч харин ахин уулзахгүй цэгээ санагалзах юм

Хэрхэн харин гомдол нуугдахыг үл мэдэн алхах юм.

  Хэний ч танихгүй нэгэн охин алхах юм

  Хэдийнээ түүний явах зам нь танил болох авч

  Хайрлах сэтгэлийн зам нь харанхуй гэрлийг гийгүүлэх юм.

  Зуун жил би тэр замаар алхалдана.

 Зуун өдөр чи намайг нэхэн тэр л замаар бэдрэнэ

 Зөөлөн салхи хацар үлээхийг би мэдрэхсэн

Зөнгөөрөө хашаа ч билээ дур мэдэн алхахсан.

Зуун жил би тэр л замаар бэдрэнэ

Зуун өдөр биш зургаан цаг чиний хажууд

Золгож ирэх нарнаас өмнө

Зориуд эвхсэн хувцасаа нуугдахаас өмнө

Зуун өдрийн өмнө

Зуун жил алхах хайрын зам нээгдэхээс өмнө

Зургаан цаг байсан амьсгалах агаар

Аниргүйхэн гэмийн өмнө

Би  унтлаа.

Буцааж харин ганцаардлаа  авдаггүй чиний эзгүй

Өөрөөсөө чамд дээр цас будрах сэтгэлээ харан суунаа

Өөдөөс минь харин би гарч ирнээ.

Бусдад бахархах охин бие

Бууж өгөмгүй шазруун зан

Буцаж харин тарчлан зовох үүр шөнө

  Ганцаардлын мананд дэндүү дасаж

  Гал шарах мэт танай эндээс залхан байнам

  Гашуун үнэнээ надад яасан ихээр уулганам

  Ганцхан удаа гэх бугуйн цаг харин зогсолоо.

Өөр хүний сэтгэл яасан хатуу юм бэ

Өр зүрхэнд яагаад ингэж гуниг үлдээн явдаг юм бэ

Ганцаараа л байх нь

Ганцхан амьдралын минь төлөөс биш байлгүй дээ